台東博愛浸信會 台東博愛教會 (089)322942

曠野有人開道路，沙漠也會變江河；柳暗花明有前途，倚靠耶穌實在好
認識上帝是至寶，不驚人生有風波，若是艱苦甲煩惱，著愛逐工來祈禱
上帝聽著咱心聲，牽阮的手同齊行，若有耶穌鬥打拚，咱的一生不免驚

美香： 兄弟姊妹坐相偎，欲唸聖經故事歌
歌聲好聽有教化，不是踮遮地自誇

玉琴： 聖經內底有故事，上帝恩典真仁慈
人生種種的遭遇，聖經解釋真功夫

秀琴： 聖經內底有道理，親像良藥將人醫 逐工祈禱免憂慮，藥到自然病就除

美香： 拿出聖經有主張，掀開馬太福音十三章 大家就來罔研究，聽我從頭說根由

玉琴： 耶穌出門講道理，看到天氣晴和笑微微 大家聽講緊來去，樓頂招樓腳、親戚招厝邊

秀琴： 挨挨擠擠人真多，無位通坐成問題 看破來坐船仔底，少年家、老阿伯、大人囝仔... 恬恬來聽耶穌祂講話，人數哪增加

美香： 講著卡早的做田人，每日辛苦來做工 春天撒種有希望，望欲收成好年冬

玉琴： 撒種的人滿滿是，有人撒佇大路邊 鳥隻飛來吃吃去，有影無采人个物

秀琴： 有人撒在石頭堆，不時沃水擱落肥 石頭硬硬袂吸水、苦心來枉費、有影真克虧


美香： 有人撒踮塗沙的頂面，塗沙淺淺未著根 雨水連連落袂盡，風吹日曝化灰塵

玉琴： 想來想去想無步，魯氣著力真無辜 上山落海真艱苦，糟蹋這些種籽實在太糊塗

秀琴： 做田人、一時有主意， 匆匆來、匆匆去 行到田園邊 看到別人个種作滿滿是，心內真歡喜 我个穀種若灑落去穩好勢，開花又結籽 擔就毋通踮遮擱躊躇

美香： 穀種緊緊就孵芽，春天袂過就開花 結實有影千百倍，秋天收成飼全家

玉琴： 奉勸大家好朋友，無免踮遮擱憂愁 苦心無欲變烏有，按怎種、你就按怎收！

秀琴： 雖然一篇好教訓，勸佇心內無三分， 話出如風無憑準，恐驚袂安穩 就愛常常回想、好好來保存

美香： 穀種撒在田園中，水分營養來補充
玉琴： 寶惜看顧才會生長，咱聽到道理馬上愛遵從

秀琴： 耶穌个話記在聖經，內底教訓真分明 咱个祈禱望上帝回應，逐工就愛讀聖經

作詞：劉南芳
演唱：林美香、許秀琴、杜玉琴
台灣歌仔戲班劇團 製作